تــــــــذكري

تعال شوف بداخلي منهو قتـل كـل الحنيـن

من سل سيفه ثم طعن بالمـوت روح ٍ ثايـره

منهو تسبب بالدموع وزاد من كثـر الونيـن

ومنهو صبر في لوعته رغم الظروف الجايره

أخذت من صبري ذرى دامه سمات العاشقين

ولا مل صبري وش بقا ما غير دمعه حايـره

حاولت أوصّل صرختي كلي رجا لو تسمعين

تحمل بقايا حسرتي .. مثل الفراشـة طايـره

روح ٍ كسيرة أو بعد .. حلم تحطم من سنيـن

إلى متى ببقا على ذكـرى الزمـن وأسايـره

من بعد ما بعت ِ غلا قلب ٍ بوسطه تسكنيـن

يا طفلة ٍ تلعب وأنا صـدق المشاعـر نايـره

تعبت أداري بالسكوت تعبت من جرح ٍ دفين

وأن كان قصدك بالجفا تشوف نفسي خايـره

لا والذي صور حلاك .. تجين ولا ما تجيـن

أرفض أخون أبعزتي .. وما هي بنفسي بايره

لو شفتي أحزاني بحر والجرح في قلبي ثخين

حتى ولو كل الهموم .. لفراش نومي زايـره

تأكدي ماني مثل مـا أنتـي أبـد تتصوريـن

لو يشتكي قلـب العنـا مـا همنـي عبايـره

تذكري شخص أنتحر فيه الفرح لو تذكريـن

تذكـري مـن بالعطـا .. يسوقلـك بشايـره

تذكري منهو دفع عمـره ويرفـض تدفعيـن

تذكري بعد الفراق وشلـون حالـك صايـره

هذي حقيقة واقعـي ترضيـن ولا تزعليـن

من كانت أرباحه جروح شفق ٍ على خسايره

إن كان ودك ترحلي .. ما أمنعك لو ترحلين

وإن شفتي أحزاني بقت .. ترى الليالي دايره

يسلمووووووووو

[b]احب وخاطري حساس
[/b]
انت من يصنع الإبداع

في

هذا المنتــــــــــــــــــــدى

تسلم

ياغالي