السلام عليكم ورحمة الله وبركاته
والله يااخوان إن فيه اثنين من أخوياي نصراويين يهدّدوني اذا نزّلت القصيده انهم بيزعلون ( وبخسرهم )
لكن بنزّلها ويصير اللي يصير ..
وهي إهداء لسمو الأمير محمد بن فيصل وأعضاء شرف وإدارة ولاعبين وجماهير
نادي الهلال السعودي
مبروك ياهلال الذهـب والبطـولات...جبـت البطولـه يازعيـم النـوادي
متعـوّدن دايـم صعـود المنصّـات...ماهي غريبه شيّن اصبـح وكـادي
الموج الازرق كان تبغون الاثبـات...كنّه صقر حـرّن بوقـت الهـدادي
بركان ثاير فـي سنيـن طويـلات...زعيـم خيّالـن بصهـوة جـوادي
جبال ترسي مثل ذيـك السـراوات...ماهزّهـا فعـل الحقـود المعـادي
فارس شجاعـن بالليـال الشديـدات...بالمعركه يطرب لصـوت الزنـادي
جاب الذهب من دون ريبه وشكّـات...من فضل ربـي دايمـن بازديـادي
جمهوركم وقـت اللقـا والمهمّـات...ياقـف بصفّـك يالزعيـم القيـادي
صولات..جولاتن..وجولات صولات...افضل سفيرن تفتخـر بـه بـلادي
ياهلال ياهلال الذهـب والبطـولات...من لايشجّع مثلكـم .." شخـص غـادي "
القصيدة صوتيه
لسماع القصيدة صوتياً
http://www.grnaas.org/546851وسلامتكم
تحياتي
الثلاثاء مارس 11, 2008 2:25 pm
