منتديات أحلى عالم جوال من ثيمات وبرامج ومقاطع


 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 حصريا برنامج Icdl مع الشرح

اذهب الى الأسفل 
كاتب الموضوعرسالة
ساهر لعيونك
عضومتألق
عضومتألق
avatar

ذكر عدد الرسائل : 1003
الإقـامـة : ســـــعـــــودي
منتداك المفضل : المنتدى العام
( مزاجي ) :
نـقـاط الـتـمـيـز : 1100
تاريخ التسجيل : 27/12/2007

مُساهمةموضوع: حصريا برنامج Icdl مع الشرح   الخميس فبراير 28, 2008 12:22 am

السلام عليكم ورحمة الله وبركاته
طبعا الكل كان ينتظر إماراتي ويه هذا موضوعه الحصري وكل يوم والثاني يقول بينزله وبينزله ولا شفنا شيء
هههههه
والكل فيه فضول يبون يعرفون شو هذا الموضوع
طبعا لأني انسان أحب سوالف الكمبيوترات
يبت لكم برنامج معضم الناس يدورون عليه والحين صار مطلوب غصبن على الكل من المدرسين لين موظفين أنه ياخذون هذي الشهاده
أعرف أني أرمس وااايد خل نبدأ الشرح
بسم الله الرحمن الرحيم

أول شيء أتنزلون البرنامج من هذي الوصله المباشره

الرجـــا وضع رابط مباشر

يعني مب أنه يوم شغاله وعشر أيام مب شغاله لا هذي الوصله مرفوعه على المنتدى
بعد ما تنزلون البرنامج طبعا هو ملف مضغوط تفكون الضغط
وتاخذون الملف الموجود والي هو أسمه ats لين وين لين القرص C:/program files وتحطونه هناك
مثل الي في هذي الصوره

بعدين تدخلون داخل الملف وبتحصلون 500 ألف ملف أنتوا ما عليكم منها
روحوا على طول لين ملف هذا شو أسمه ياربي قولوا وياي شو أسمه ههههههه
هيه أسمه setup وبتشوفون أنه أنا أمحطي عليه دائره علشان الي ما يشوف يشوفه
ههههههههههههه

بعد ما تدخلون فيه بتشفون ملف واحد بس مضغوط
طبعا شو تسون أهني تفكون الضغط عن الملف أعرف أني أذيتكم كل شوي أنفك الضغط شو هذا يقص علينا
هههههههههه
لا ما عليكم أنتوا فكوا الضغط وبيطلع لكم الملف يوم بتدخلونه بتحصلون 3 ملفات غيرها

مثل ما أنتوا شايفين في الصوره الي تحت
وأمسحوا عاد الملف المضغوط لأنه خلاص ما نبيه
عاد أهني شو نسوي
نضغط على أول ملف هذا شكله تنزيل برنامج
هيه هو هذا أسمه ATS test وحطيت عليه دائره علشان تشوفونه عدل
هههههههههههه

عاد أنتوا أضغطوا عليه يعني دبل كلك مب كلك واحد
وكأني اعلم ياهل لا أستهبل عليكم ههههه أعرفكم خبره أنتوا بس يعني علشان الكل يفهم
يوم بتضغطون عليه بتطلع لكم هذي الصفحه

وطبعا مثل ما أنتوا عارفين يوم أنزل برنامج شو نسوي Next و Next و I agree لين ما يخلص ههههههه
لا بس أهني غير مب شرات باقي البرامج أنتبوها عدل الحين
على قولة المصرين ركزوا معايه هههه
أهني أهم الخطوات أذا سويتوها غلط ما بيشتغل البرنامج لكم
هيه يعني ركزوا وياي عدل
بعد ما تضغطون Next بتطلع لكم هذي الصفحه شو تسون
تضغطون على I accept مثل ما تشوفون في الصوره الي التحت

بعد ما تسون موافقه تسون Next وبتطلع لكم هذي الصفحه الي تعبون فيها البيانات
طبعا أنتوا سوه مثل الي تشوفونه في الصوره

وبعدين شو نسوي طبعا كل المعتاد Next بس ها أنتبهوا ما تضغطون كل Next Next لا بعد شوي بتي خطوه وااايد مهمه
المهم أتسون Next بعد مثل ما أنتوا شايفين في الصوره

وعاد الحين أهم نقطه وأهم خطوه ومهمه جدااا جدااااا
مثل ما أنتوا شافين الصوره

أهني لازم أنيب ملف الداتا بيس وهذا من وين بنيبه هذا الملف
هذا إماراتي وهقنا وقال لنا نزلوا البرنامج وأحنى مالنا شغل بهذي السوالف وما أعرف شو الله بلانا سمعنا كلامه هههههههه
أفا عليكم أنا موجود ليش جي تقولون
صبروا علي شوي أنا بقول لكم من وين أتيبون الملف لا تخافوا
أنزين أرجعوا على الملف ats يوم قلت لكم أهني 500 ألف ملف عاد أهني بندور عليه
طبها كيف بندور عليه أنا من بين هذول كلهم أنا ما بخلص من اليوم لين باجر وأحنى أندور عليه
طبعامثل ما أنتوا شايفين في الصوره

هذا أنا طلعته بالضغط على حرف n
وأسم الملف هو ncceure
بتحصلونه يعني تقريبا في النص وهو ملف أكسسيس
بعد ما تشوفونه تسون عليه رايت كلك وبعدين خصائص وبالأنجليزي Properties أنزين عاد أحنى ليش سونا كل هذا
أحنى سوينا هذا علشان ناخذ مكان أسم الملف
نضلل عليه ونسوي نسخ مثل ما أنا أمسوي في الصوره

والحين نحطه في وين في ذيك الصفحه مال التنصيب لا يكون نسيتوها لا بعدنا ما خلصنا منها
هههههههههه
بعد ما أنحطه مثل ما أنتوا شايفين في الصوره

بعدين نسوي next وبعدين Install ولين ما يخلص finish
بحط لكم بس الصوره لأني أعرف أنتوا مليتوا مني
ههههههههه



وجي يعني نزل البرنامج وخلص
ومبرووووووووووووووك عليكم :54:
وين وين رايحين بعدنا ما خلصنا صبروا شوي يالله يالله ما يسوه عليكم كل هذا مستانسين
هههههههه
أنزين الحين بشرح لكم كيف تستخدمون البرنامج
وأذا ما تبون على راحتكم ها شو قلتوا
خلاص بشرحه لكم ولا تزعلون
هههههههه
تروحون أبدأ أو start على حسب كل كمبيوتر الي تستخدمونه

وبتحصلون أسم البرنامج ATS test
طبعا بيكون مثل الي في الصوره الي فوق
أنزين بعد ما ندخل على البرنامج بيطلع لنا بوكس نختار عربي ولا أنجليزي
بس ها أنتبهوا لين هذي النقطه أنه الي يبي يستخدم العربي لازم يكون الكمبيوتر عربي كامل والأوفيس بعد يكون بالعربي
والعكس بعد الي يبي يستخدم الأنجليزي لازم يكون الكمبيوتر كامل أنجليزي والأوفيس بعد يكون أنجليزي ولا ما بيشتغل ليكم البرنامج عدل

المهم نتخار اللغه الي نبيها

بعد ما تختارون اللغه الي تبونها
بتطلع لنا هذي الصفحة البرنامج

طبعا أهني شو تسون أدخلون الأسم الي هو رمز بطاقة المهارات وهو atsprimer
هذا الأسم لازم تذكورنه علشان تقدرون تدخلون كل مره على الامتحانات
بس أتحطون هذا الأسم وتسون بدء الأختبار
يوم بيكون التسجيل صح بتطلع لكم هذي الصفحه وأهني عاد كل الأختبارات تختارون واحد وتسون بدء الأختبار

طبعا بيبدء الامتحان وفيه الوقت ينحسب لكم 15 دقيقه على كل امتحان
وبعد ما تخلصون الامتحان أتسون أنهاء الإمتحان وبيصلح لكم الامتحان أو اذا تبون تسون أعاده تضغطون على إعادة تشغيل

وهذي عاد الصوره بعد ما صلح لكم الأمتحان ويبن لكم الدرجه كم ويقول لك أذا نجحت في الأمتحان ولا لأ

عاد أنا كنت يالس أسوي لكم البرنامج علشان جي طالع لكم راسب لأني ما حليت شيء
هههههههههه
بس الحمد الله عندي شهادت ICDL من سنه تقريبا
ويلا عاد الي يبي ياخذها ينزل البرنامج ويشد حيله في الدراسه
ويدفع عند بن زايد ترا هو الكاشير مالي
هههههههههه
وأعرف أني طولت عليكم واايد ومليتوا مني في الشرح
وأتمنى أنه كان شرحي مفصل ودقيق والكل قدر ينزله
وأذا في إي سؤال أو أستفسار أنا حاظر
وأتمنى أنه الردود تكون حلوه مب بس شكرا لأني تعبت عليه وااايد وأنا يالس أسويه
صار لي تقريبا يومين وأنا أشتغل عليه
والسموووحه
سلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احب وخاطري حساس
مراقب منتديات
مراقب منتديات
avatar

عدد الرسائل : 1672
الإقـامـة : في قلب حبيبتي
منتداك المفضل : الخواطر
( مزاجي ) :
نـقـاط الـتـمـيـز : 1722
تاريخ التسجيل : 05/01/2008

مُساهمةموضوع: رد: حصريا برنامج Icdl مع الشرح   الخميس فبراير 28, 2008 2:09 am

احب وخاطري حساس كتب:
ساهر لعيونك

تسلم ياغالي على

طرحك المميز

انت من يصنع الإبداع وفقك الله

تقبل مروري

_________________
حبيبتــــــــــــــــــــي

تبقيـــــــــن داخــــــــل

قلبــــــــــــي أميــــــــــــرة العشــــــــــــــــق

مالكـــــــــــــــــهـ كيانـــــــــــــــــي

احبـــــــــــــــــــــــــك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سًٍُـ ـ ـٍُ ـٍُ ـٌراٌب
مشرف عام
مشرف عام


ذكر عدد الرسائل : 1217
( مزاجي ) :
نـقـاط الـتـمـيـز : 1233
تاريخ التسجيل : 03/01/2008

مُساهمةموضوع: رد: حصريا برنامج Icdl مع الشرح   السبت مارس 15, 2008 2:47 pm

مشكووووووووووووووووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حصريا برنامج Icdl مع الشرح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أحلى عالم جوال من ثيمات وبرامج ومقاطع :: أحلى عـــــــ ( الكمـبـيـوتـر والتـصامـيـم ) ــــالم جوال :: قسم البرامج والالعاب الخاصه بالكمبيوتر-
انتقل الى: