هذا كلام اللي يميل عقاله ///// ماهو كلام اللي!!!

--------------------------------------------------------------------------------

صوتن سمعته من ورى السور بشويش
من حنجرة راع الكفوف المناقيش

تقول نايف وشي آخر علومه
وتسأل صديقتها عن الحلم والطيش

قالت ورب الكون اني احبه
ولولا الهي ثم طاريه ماعيش

ردت صديقتها بلا كذب يابنت
الحب في ذا الوقت كذبه وتشويش

صاحت وقالت لو دريتي بحالتي
ماكان حققتي على دمعتي ليش

أغليه وأوده ولو مايودني
وإن جاء خبر منه زعجت اللواليش

ماتدري إن افكار راسي معاها
ودموع عيني من فراقه مراهيش

الله ياوقت مضالي من أول
يومي أنا وياه نلعب قراقيش

أناظر عيونه وتوي صغير
وتشدني بعيون سود مراميش

اسهى واناظرها وعيني تأمل
بخدودها اللي كنها ناعم الريش

لاسلهمت مسكت راسي بيدي
انسى البشر وأعيش في وضع تطنيش

في شعرها شفت الظلام المليل
ليلن تهابه حايمات الخفافيش

غلاه والله شابكن وسط روحي
أمر من الباري بلا سلك أو فيش

واليوم كبرت واهلها برقعوها
وبيني وبينه صارت إنقاط تفتيش

ياللي تجونه بلغوها سلامي
وقولوا لها غيرك من الناس ماليش

وجيبو سلامه لاتخبون عني
ترو سلامه للمحاني دناديش

أحبها حب البدو للشهامه
وحب النشاما للقنص والمطاريش

وأشتاقله شوق المهاجر لدراه
اللي هجرها لأجل يعتاش ويعيش

ياكن قلبي يوم طول غيابه
غصنن طري في كف بعض الحواشيش

وهذا كلام اللي يميل عقاله
ماهو كلام اللي يبيع الطرابيش

احلى قلم لاحلى منتدى كتب:: احب وخاطري حساس

لك من اسمك المعنى الكبير والمؤثر

انت من يصنع التميز في هذا

المنتدى الجميل

عزيزي لايسعني ال ان اشكرك

على طرحك الرائع

والمميز

تقبل مروري

احلى قلم لاحلى منتدى

صح لسانك

يسلموووووووووووووووووو